Lydigheit (LP)

Kontakt gruppa:
Inger Handegård
Mobil: 918 35 324
Mail: kennel@desperado.no 

Hundane i LP-gruppa

Viktige vedtak i Luster hundeklubb

Terminliste og regelverk på Norsk Kennel Klub (NKK) si heimeside

Treningstips på sida til hunden

Kommande aktivitetar

Treng du lydigheit-konkurransetrening?
Nytt høvet og meld deg på uoffisiell lydigheitskonkurranse på Nes mandag 14. mai
om ettermiddagen

Dommar: Tommy Haukeland
Han konkurrerer i eliteklasse med sin vesle "staffe".
Etter dømminga vil han nytta høvet til å trene sin hund og då kan du få sett nokre eliteklasse-øvelsar.

Påmeldingsavgifta vert kr. 100.- pr. hund.
Det vert sjølvsagt premiar!

Dersom færre enn 6 hundar er påmeldt innan 10. mai, må me dessverre avlysa arrangementet.

Påmelding skal sendast på mail til Inger Handegård kennel@desperado.no
Skriv navn på hunden, førar og kva klasse du vil gå i.
Betaling vert på staden.
 

Appellmerkekurs/nybyrjarkurs i
konkurranseretta lydigheitstrening - 12 timar
Oppstart i mandag 23. april kl. 19.00 på Rådhuset.

Vidare trening vert torsdagar 26. april og 3, 10, 24 og 31 mai. Ein dato til vert avtala på kurset, det kan vera ein fredag eller i ei helg. eventuelt ein torsdag i juni.

Eva tek kontakt med alle som har meldt si interesse for å få endeleg påmelding. Me har ein som står på venting, då det ser ut til at det er fleire påmeldt enn det er plass til.  

Påmelding og spørsmål skal stillast til Eva Røneid mobil 46 97 07 29. Ho har hovudansvar fork urset.

Kurset startar med 2 timar teori - resten er praktisk trening med eigen hund og appellmerkeprøve siste kurskveld.
Du får innføring i korleis trene din eigen hund mot øvelsane i appellmerket. Meir om kva appellmerket er finn du lenger nede på denne sida. Det vert ein kveld med teori, fem kveldar med trening og ein avsluttande kveld med prøve og tips for vidare trening.

Du kan gå opp til prøven så mange gonger du berre ynskjer etter avslutta kurs.

Du får også kort innføring i kva andre øvelsar det er lurt å starta treninga av tidleg, dersom du har som mål å gå lydigheitskonkurransar.

Det er plass til 6 på kurset og medlemmer i klubben får 1. prioritet dersom mange vil vera med.
Det må vera minst 4 påmeldt før me går i gang.
Pris kurs: kr. 750 (kr. 1050.- for ikkje medlemmer). Juniormedlem LHK kr. 500.-
Appellmerkeprøve og eventuelt appellmerke er inkludert i kursavgifta.

Konkurransekurs/konkurransetrening - 16 timar
Har starta opp. 

Meir informasjon får du hjå Inger Handegård på mobil 918 35 324

Målet er å trena mot lydigheitsprøven i Naustdal 29. april.
Du må minimum ha bestått appellmerkeprøve for å vera med på denne treninga.
Kontakt ein av dommarane under for å gå opp til appellmerkeprøve.

Klubbmeisterskap og uoffisielle lydigheitskonkurransar er under planlegging
Meir informasjon kjem seinare
 

Ynskjer du å gå opp til bronsemerket i lydigheit?
Appellmerkeprøve.
Appellmerket er Norsk Kennel Klubb sitt lydigheitsmerke i bronse. Det er ein uoffisiell prøve som kan dømmast av bl.a. NKK-trinn I instruktørar. Prøven kan sjåast på som ein "anleggsprøve" for vidare konkurransetrening. Me har tre NKK-trinn I instruktørar tilknytta klubben vår som alle dømmer appellmerkeprøven. Alle hundar kan delta, registrerte eller ikkje og det er ingen aldersbegrensingar.

Pris for prøven inkludert merke er kr. 150.- For å få merket må du ha minst 5 poeng på alle øvelsar. Fullstendig regelverk finn du på NKK si heimeside - link øverst på denen sida. Dersom du ynskjer å gå opp til prøve tek du kontakt med ein av dommarane - så avtalar de tid og stad:

Send mail til Inger Handegård, Gaupne

Send mail til Mona Nyløy, Fortun

Send mail til Anne Katrin Bøyum, Leikanger

Her kan du sjå ein video av ein appellmerkeprøve.

Eller kva med denne hunden som har ein 6 år gamal førar på prøven...

Kort om lydigheitskonkurransar
Alle som vil konkurrere på offisielle lydigheitskonkurransar må starte i klasse I. Regelverket for prøven finn du på NKK si heimeside. Link øverst på denne sida. Hunden må vera minst 9 månader gamal og den må vera registrert i NKK. Hundar utan stamtavla (gjeld både reinrasa hundar og blandingshundar) må vera ID-merka og registrert i NKK sitt NOX-register. Meir om NOX-registeret kan du lese her.

Me anbefalar alle nybegynnarar som vil starte i lydigheit om å først gå opp til ein appellmerkeprøve for å sjekka kvar du ligg an i løypa når det gjeld trening. Lydigheitsgruppa har konkurransetrening for alle som har bestått appellmerkeprøven og vil arrangere appellmerkekurs for nybegynnarar.

Hugs at tannvisning er ein obligatorisk øvelse i lydigheit klasse I. Denne øvelsen MÅ du bestå for å kunna gå vidare i konkurransen. Fellesdekk er ein anna viktig øvelse. Dersom din hund kan tenkje seg på å "yppe" seg mot nabohunden som ligg tre meter unna, bør du trene meir før du stiller opp til denne øvelsen. I alle dei andre øvelsane er du og hunden åleine i ringen.

Hunden på denne videoen går til 170.5 poeng og ein solid 1. premie i klasse I.

Totalt er det råd å oppnå 200 poeng i klasse I. Du må ha bestått på alle øvelsar for å få appellmerket i sølv. Du kan få 1. premie i klassen (160 poeng eller meir) og opprykk til klasse II, sjølv om du har 0 i ein øvelse.

Vidare opp i klassane vert øvelsane meir om meir krevjande. Bl.a. er det felles sitt i klasse III. Kanskje det er det desse hundane trener på?

Her kan du sjå ein dyktig hund og førar som går lydigheit klasse II.

 

Referat aktivitet

Uoffisiell LP konkurranse - appellmerkeøvelsane i Gloppen 25. februar 2012
Luster hundeklubb hadde med fire hundar i lydigheit og fire hundar i agility.
Best av alle vart Inger med Xmilla, nr. 2 vart  Aya, nr. 3 vart Maria og Cody og nr. 4 vart Laila og Zelda.
Det var fantastisk flott konkurransetrening å gå i ridehallen og dommar Geir Vie var heilt super å gå for.

Lydigheitskurs i regi av Norsk Spaniel Klub på Nes 16-17 juli 2011
Instruktør var Yvonne Keeve. Det var med 7 hundar og desse kom frå Gaupne, Leikanger, Årdal, Florø, Oslo, Stavanger og Danmark. Tre av deltakarane, Inger Handegård, Elin Anita gjerde og Laila Røneid, er også medlem i Luster hundeklubb. Medlemmer i LHK fekk tilbod om å vera med som observatør utan hund. Berre Mona Nyløy nytta seg av dette tilbodet og ho var med søndagen.

Alle skrytte over det flotte området vårt og sa at dette var ein ideell plass å halde kurs.
Me fire frå klubben som var med har fått blod på tann og vil prøve å ta tak i lydigheitstilbodet i klubben framover.

Det er mange år sidan klubben arrangerte klubbmeisterskap i lydigheit. det var derfor spennande å sjå kor mange som meldte seg på, sjølv om meisterskapet var midt i juli. Dommar var Yvonne Keeve frå Tyskland som var i Gaupne/Norge for å halde lydigheitskurs for spanielklubben i fylket. Yvonne snakkar og forstår litt norsk, er god på engelsk og hadde god hjelp av ringsekretær Anne Katrin Bøyum og skrivar Jane Nybø Torgersen.

Sidan det ikkje var venta alt for stor deltaking på dette klubbmeisterskapet vart det også opna for at ikkje-medlemmer fekk delta. Sidan me fekk lov å belønna hundane våre mellom kvar øvelse vart dette ei fantastisk flott og motiverande konkurransetrening også for dei firbeinte.

Foto over: Tannvisning i klasse I. Kari Grethe med den flotte blomekransen ho laga. Premiane - det vart premie til alle som deltok. Dei tre beste på prøven kom alle frå Luster hundeklubb. Frå venstre Inger Handegård med Desperados Xmilla (klasse II), Eva Røneid med Narjanas filosophia (klase I) og Emma Nyløy med Smedhaugens busy Babe (klasse I og beste junior).

Yvonne var ein triveleg dommar som leita lenge for å finna 0-ane på blokka si. Ho klarte å få mange til å slappe av i ringen og det vart også mange svært gode resultat. Dessutan fekk me mykje skryt over det jamne og gode nivået på hundane våre. Kari Grethe Svensøy var på besøk i Gaupne og laga ein flott blomekrans til klubbmeisteren.

På appellmerkeprøven starta to hundar - begge klarte prøven. I klasse I starta 6 hundar - 3 fekk 1. premie og 3 fekk 2. premie. I klasse II starta tre hundar - 1 fekk 2. premie og to fekk 3. premie. I klasse III starta 1 hund - og det haldt ikkje til premiering.

Her finn du premielista.                                          Mona Listou har lagt ut bilder her

Nybakt klubbmeister Eva Røneid med labrador retriever Narjanas Filosophia og dommar Yvonne Keeve. Ho kom rett frå kvelpekassa og har difor ikkje fått vore med på fellestreningane i sommar. Kvelpane vart levert og så bar det avgårde på både sporprøve og lydigheitsprøve - men suksess i begge! No ynskjer me Eva og Freia lykke til på offisiell lydigheitsprøve som dei har planar om å starte på i haust.

LP-hundane i klubben
som har minimum bestått appellmerket

Referat møte

Oppstartsmøte 20. mars 2012